Ni sadaka yenye mkataba/agano na Mungu. Na mungu ametoa maelekezo kwamba endapo mtu hatatoa aina hii ya sadaka zipo adhabu zitakazofuatia baada ya yake. MWANZO 14:20…[Ahimidiwe Mungu Aliye juu sana, aliyewatia adui zako mikononi mwako. Abramu akampa fungu la kumi la vitu vyote.]…. Hapa aina hii ya sadaka inaitwa fungu la kumi. WALAWI 27:30…[ Tena zaka yote ya nchi, kama ni mbegu ya nchi, au kama ni matunda ya nchi, ni ya Bwana; ni takatifu kwa Bwana.]… Hapa aina hii ya sadaka inaitwa ‘zaka’. Ni sadaka ambayo mbele za Bwana ni ‘takatifu’, kwa ajili ya matumizi ya kazi ya Bwana. MWANZO 28:22…[Na jiwe hili nililolisimamisha kama nguzo litakuwa nyumba ya Mungu; na katika kila utakalonipa hakika nitakutolea wewe sehemu ya kumi.]…. Ni sadaka ambayo pia hujulikana kama fungu la kumi. Kawaida, mtu akila vitakatifu vya Bwana hukumbana na adhabu.

-Vile uvifanyavyo vyaweza kufa, ikiwemo mifugo, kazi n.k.

TARATIBU ZA UTOAJI WA FUNGU LA KUMI

Ni mpango wa Mungu wa Kuwabariki watu waliookoka. MITHALI 15:8…[Sadaka ya mtu mbaya ni chukizo kwa Bwana; Bali maombi ya mtu mnyofu ni furaha yake.]…Dhambi ni kikwazo cha kupata majibu kutoka kwa Bwana. Hata uzima wa milele tulio nao unatokana na utoaji wa Mungu kwa ajili yetu. Ibrahimu alitoa fungu la Kumi (MWANZO 14:17….[Abramu aliporudi kutoka kumpiga Kedorlaoma na wale wafalme waliokuwa pamoja naye, mfalme wa Sodoma akatoka amlaki katika bonde la Shawe, nalo ni Bonde la Mfalme. 18 Na Melkizedeki mfalme wa Salemu akaleta mkate na divai, naye alikuwa kuhani wa Mungu Aliye juu sana. 19 Akambariki, akasema, Abramu na abarikiwe na Mungu Aliye juu sana, Muumba mbingu na nchi. 20 Ahimidiwe Mungu Aliye juu sana, aliyewatia adui zako mikononi mwako. Abramu akampa fungu la kumi la vitu vyote.]….

MATHAYO 23:23…[Ole wenu waandishi na Mafarisayo, wanafiki! Kwa kuwa mnalipa zaka za mnanaa na bizari na jira, lakini mmeacha mambo makuu ya sheria, yaani, adili, na rehema, na imani; hayo imewapasa kuyafanya, wala yale mengine msiyaache.]… Ni mpango wa Mungu kwa watu kutoa fungu la kumi.

KAZI YA FUNGU LA KUMI

i)Ni kuhakikisha kuwa nyumbani mwa Mungu pana chakula.

MALAKI 3:8-10…[Je! Mwanadamu atamwibia Mungu? Lakini ninyi mnaniibia mimi. Lakini ninyi mwasema, Tumekuibia kwa namna gani? Mmeniibia zaka na dhabihu. 9 Ninyi mmelaaniwa kwa laana; maana mnaniibia mimi, naam, taifa hili lote. 10 Leteni zaka kamili ghalani, ili kiwemo chakula katika nyumba yangu, mkanijaribu kwa njia hiyo, asema Bwana wa majeshi; mjue kama sitawafungulia madirisha ya mbinguni, na kuwamwagieni baraka, hata isiwepo nafasi ya kutosha, au la.]… Kwa hiyo mojawapo ya kazi ya fungu la kumi ni kuona kuwa kipo chakula katika nyumba ya Bwana. Chakula kwenye nyumba ya Bwana kina maana gani? YOHANA 4:33-34…[Akawaambia, Mimi ninacho chakula msichokijua ninyi. 33 Basi wanafunzi wake wakasemezana, Je! Mtu amemletea chakula? 34 Yesu akawaambia, Chakula changu ndicho hiki, niyatende mapenzi yake aliyenipeleka, nikaimalize kazi yake.]… Chakula katika nyumba ya Bwana ni kufanya kanisani pasiwe ukiwa, bali Injili ya Mungu iweze kusonga mbele.

ii) Mungu atakufungulia madirisha ya mbinguni.

MALAKI 3:10….[Leteni zaka kamili ghalani, ili kiwemo chakula katika nyumba yangu, mkanijaribu kwa njia hiyo, asema Bwana wa majeshi; mjue kama sitawafungulia madirisha ya mbinguni, na kuwamwagieni baraka, hata isiwepo nafasi ya kutosha, au la.]...

iii)Mungu atamkemea ibilisi alaye biashara zetu, afya zetu, ndoa yak n.k.

(MALAKI 3:11…[ Nami kwa ajili yenu nitamkemea yeye alaye, wala hataharibu mazao ya ardhi yenu; wala mzabibu wenu hautapukutisha matunda yake kabla ya wakati wake katika mashamba, asema Bwana wa majeshi.])….Ibilisi anakula. Kanuni inasema kuwa, Kama humtolei Bwana fungu la kumi, basi unamtolea Yule alaye. Ndiyo maana, unamkuta mtu Mataifa yatakuita heri. MALAKI 3:12…[Na mataifa yote watawaiteni heri; maana mtakuwa nchi ya kupendeza sana, asema Bwana wa majeshi.]… Siyo kwamba kwa kutoa fungu la kumi,Mungu atakupa fedha, bali atakupa vitu vya rohoni, mfano akili nzuri, karama, ujuzi n.k ambavyo vitawafanya watu/mataifa kukuita heri.

Swali: Nani Wa Kutoa Fungu La Kumi?

Kila mtu ana wajibu wa kutoa fungu la kumi. 1WAFALME 17:10-14…[Basi, akaondoka, akaenda Sarepta; hata alipofika langoni pa mji, kumbe! Mwanamke mjane alikuwako akiokota kuni; akamwita, akamwambia, Niletee, nakuomba, maji kidogo chomboni nipate kunywa. 11 Alipokuwa akienda kuleta, akamwita akasema, Niletee, nakuomba, kipande cha mkate mkononi mwako. 12 Naye akasema, Kama Bwana, Mungu wako, aishivyo, sina mkate, ila konzi ya unga katika pipa, na mafuta kidogo katika chupa; nami ninaokota kuni mbili ili niingie nijipikie nafsi yangu na mwanangu, tuule tukafe. 13 Eliya akamwambia, Usiogope; enenda ukafanye kama ulivyosema; lakini unifanyie kwanza mkate mdogo ukaniletee; kisha ujifanyie nafsi yako na mwanao. 14 Kwa kuwa Bwana, Mungu wa Israeli, asema hivi, Lile pipa la unga halitapunguka, wala ile chupa ya mafuta haitaisha, hata siku ile Bwana atakapoleta mvua juu ya nchi.]…

ZINGATIO:

                Siri ya kutoa siyo kwa sababu vipo vingi, bali hata katika vidogo ni muhimu kutoa      fungu la kumi. Baraka zetu zimeambatanishwa na kutoa, tena hasa kwa watumishi wa Bwana.

MSINGI WA UTEKELEZAJI KATIKA KUTOA FUNGU LA KUMI

Kwa wale wafanyabiashara, endapo umechukua mkopo wako benki kwa ajili ya bishara, unapaswa kutoa sehemu ya kumi ya ule mkopo (mfano: mkopo wa sh.100,000 fungu lake la kumi ni shs. 10,000 na hivyo mtaji wako utakuwa shs. 90,000). Endapo biashara hii itaongezeka kwa kutoa faida. Mathalani mtaji na faida umefikia sh. 150,000, cha kufanya hapo ni kuondoa ule mtaji lakini kwenye faida (sh.60,000) unapaswa kutoa fungu la kumi ambalo ni sh. 6,000. Kawaida mtaji hautolewi fungu la kumi kama awali ulishatolea fungu la kumi. Mke asiye na kazi, hapaswi kuigusa pesa ya matumizi anayoachiwa na mumewe ili iwe fungu la kumi. Kama mumewe ameshalipa fungu la kumi yatosha. Hata hivyo, mume na mke wakiwa na kazi, kila mmoja anapaswa kutoa fungu la kumi. Mwanafunzi aweza kutoa fungu la kumi la ile pocket money apewayo na wazazi wake.

NB:

       Haipaswi kutoa fungu la kumi la fedha ya ADA upewayo ukiwa mwanafunzi kulipa shuleni.

MAMBO YA KUZINGATIA

Fungu la kumi hutolewa nyumbani mwa Bwana (Kanisani) mahali ambapo wewe ni mshirika, unapolelewa. Halitolewi tu kila mahali, bali pale ambapo Bwana ametuelekeza. Halitolewi kwenye mikutano ya Injili, wala kwa wajane wala kwa masikini na wagonjwa.

MADHARA YA KUTOTOA FUNGU LA KUMI

·         Laana kuitesa nyumba/Kazi za mikono yako.

ZEKARIA 5:1-4…[Basi, nikainua macho yangu tena, nikaona, na tazama, gombo la chuo lirukalo. 2 Akaniuliza, Unaona nini? Nikajibu, Naona gombo la chuo lirukalo; na urefu wake ni dhiraa ishirini, na upana wake dhiraa kumi. 3 Ndipo akaniambia, Hii ndiyo laana itokayo kwenda juu ya uso wa nchi yote; maana kwa hiyo kila aibaye atatolewa kama ilivyo upande mmoja, na kwa hiyo kila aapaye atatolewa kama ilivyo upande wa pili. 4 Nitaituma itokee, asema Bwana wa majeshi, nayo itaingia katika nyumba ya mwivi, na katika nyumba yake yeye aapaye kwa uongo kwa jina langu; nayo itakaa katikati ya nyumba yake, na kuiteketeza, pamoja na boriti zake na mawe yake.]…. Haijalishi wizi unaofanyika ni wa aina gani, lakini kutotoa fungu la kumi ni wizi kama wizi mwingine.

SOMO LA UTOAJI

SOMO LA UTOAJI.

“Lakini kama vile mlivyo mbele sana katika yote: Katika imani, katika usemi, katika maarifa, katika uaminifu wote na katika upendo wenu kwetu sisi, vivyo hivyo tunataka pia mzidi katika neema hii ya kutoa.” (2 Wakor.8:7).

·         Utoaji haujaanza leo,ulifanywa hata enzi za mitume.

“Njaa hiyo ilitokea wakati wa utawala wa Klaudio. Mitume wakaamua kwamba kila mtu, kulingana na uwezo wake alio nao, atoe msaada kwa ajili ya ndugu wanaoishi Uyahudi..” (Matendo.11:29).

·        Utoaji ni pando lenye kuleta matokeo,pia tutoe kwa moyo wa kupenda.

“Ye yote apandaye kwa uchache pia atavuna kwa uchache, naye apandaye kwa ukarimu pia atavuna kwa ukarimu. Kila mtu ATOE KAMA ANAVYOKUSUDIA MOYONI MWAKE, si kwa UCHOYO au kwa KULAZIMISHWA, kwa maana Mungu humpenda yeye atoaye kwa moyo mkunjufu.” (2 Wakor.9:6,7).

·        Tutoe kwa ajili ya kufanikiwa kwetu.

“Basi kuhusu changizo kwa ajili ya watakatifu. Kama nilivyoyaagiza makanisa ya Galatia, fanyeni vivyo hivyo. Siku ya kwanza ya kila juma, kila mtu kwenu na aweke akiba kwake, KWA KADIRI YA KUFANIKIWA KWAKE…” (1 Wakor.16:1,2).

 ZINGATIO:

                    “Mungu humpenda yeye atoaye kwa moyo mkunjufu.”

·         Utoaji hauna mipaka.

“…wale waliokuwa na mashamba na nyumba waliviuza, wakaleta thamani ya vitu vilivyouzwa, wakaiweka miguuni kwa wale mitume, kila mtu akagawiwa kadiri ya mahitaji yake.” (Matendo 4:34,35).

“ingawa walikuwa maskini kupindukia, kwa upande wao walifurika kwa wingi wa ukarimu. Kwa maana nashuhudia kwamba wao walitoa kwa kadiri wawezavyo, hata na zaidi ya uwezo wao, kwa HIARI yao wenyewe,” (2 Wakor.8:2,3) Luka 6:38.

Mistari inayohusu MAFUNDISHO juu ya utoaji katika Agano Jipya.

“Katika kila jambo nililofanya, nimewaonyesha kwamba kwa njia hii ya kufanya kazi kwa bidii imetupasa kuwasaidia WADHAIFU, mkikumbuka maneno ya Bwana Yesu mwenyewe jinsi alivyosema, ‘NI BARAKA ZAIDI, KUTOA KULIKO KUPOKEA.’ ” (Matendo 20:35).

“Changieni katika mahitaji ya watakatifu…” (Warumi 12:13). Kutoa pesa kwa ajili ya ndugu maskini ilikuwa jambo la muhimu sana makanisani wakati wa mitume! Petro alipozungumza na Paulo juu ya Injili alimwambia, “Walichotuomba ni kwamba tuendelee KUWAKUMBUKA MASKINI, jambo ambalo ndilo nililokuwa na shauku ya kulifanya.” (Wagalatia 2:10).

“Lakini mtu akiwa na riziki ya dunia, kisha akamwona ndugu yake ni mhitaji, akamzuilia huruma zake, je! Upendo wa Mungu wakaaje ndani yake huyo? Watoto wadogo, tusipende kwa neno, wala kwa ulimi, bali kwa tendo na kweli.” (1 Yoh.3:17,18).

 

KANUNI ZA KIROHO JUU YA UTOAJI.

 i) Mtu atoe kama anavyokusudia moyoni mwake.

ii) Si kwa uchoyo.

iii) Usitoe kwa kulazimishwa.   1 Wakorintho 16:1-3

MAANDIKO KATIKA  YANASEMAJE KUHUSU UTOAJI AU MSAADA KWA WACHUNGAJI NA WATUMISHI WENGINEO?.

“Ni askari gani aendaye vitani wakati wo wote kwa gharama zake mwenyewe? Ni nani apandaye mizabibu asiyekula katika matunda yake? Au ni nani achungaye kundi, asiyekunywa katika maziwa ya kundi?” 1Wakor 9:7.

 13-14“Hamjui ya kuwa wale wazifanyao kazi za hekaluni hula katika vitu vya hekalu, na wale waihudumiao madhabahu huwa na fungu lao katika vitu vya madhabahu? Na Bwana vivyo hivyo ameamuru kwamba wale waihubirio Injili wapate riziki kwa hiyo Injili.”

·         1 Timotheo 5:17-18

“Wazee watawalao vema na wahesabiwe kustahili heshima maradufu; hasa wao wajitaabishao kwa kuhutubu na kufundisha. Kwa maana andiko lasema, Usimfunge kinywa ng’ombe apurapo nafaka. Na tena, Mtenda kazi astahili ujira wake.” (Kwa lugha ya Kigiriki neno ‘wazee’ ni sawa na ‘wachungaji’.)-Hapo hataji ‘fungu la kumi’

 “Lakini, ndugu, tunataka mwatambue wale wanaojitaabisha kwa ajili yenu, na kuwasimamia ninyi katika Bwana, na kuwaonyeni; mkawastahi sana katika upendo, kwa ajili ya kazi zao.”

1 Wathesalonike 5:12-13

Ø  MFANO KANISA  LILIMTAMBUA PAULO.

Wafilipi 4:10-17

Kutokana na mistari hiyo hapo juu, tunaona Wafilipi walichagua kwa hiari yao kumsaidia Paulo kwa ajili ya kazi yake kwa ajili yao na kwa ajili ya Injili. Na utoaji huo ulitokana na upendo wa Mungu ndani ya mioyo yao – wala hamna aliyewalazimisha kufanya hivyo!

“Lakini ninavyo vitu vyote na kuzidi, tena nimejaa tele; nimepokea kwa mkono wa Epafrodito vitu vile vilivyotoka kwenu, harufu ya manukato, sadaka yenye kibali, impendezayo Mungu.”

==============================UBARIKIWE!============================

Pastor.AMOS E.ONESMO-0756391498

SIKU YA HARUSI YANGU 19/12/2015

KUKOMBOLEWA KATIKA NGUVU ZA GIZA

Top of Form

Bottom of Form

Top of Form Bottom of Form KUKOMBOLEWA KUTOKA KATIKA NGUVU ZA GIZA. Ni kusudi la Mungu mwanadamu aishi maisha mazuri na yakumpendeza yeye,tena Mungu alimuweka mwanadamu kuwa mtawala katika ulimwengu huu ambao Mungu aliuumba ila tu mwanadamu alipoteza nafasi hiyo baada ya kufanya dhambi (Yer.5:25)lakini Mungu kwa neema yake na upendo wake alimtuma Mwanawe wa pekee Yesu Kristo awakomboe wanadamu(Yoh.3:16) nakuwapatanisha na Mungu na hivyo kuirudisha nafasi ile ambayo Mungu alimuwekea mwanadamu ila shetani kwa ujanja wake aliichukua(Mwanz.3:13) Fuatana nami katika mafundisho haya,tafakari kwa kina kisha chukua hatua Ukisoma katika Uf.12:17 utaona kuwa shetani amekasirika dhidi ya mwanamke na amedhamiria kufanya vita juu ya uzao wa mwanamke lakini hasira yake ni juu ya wale wazishikao sheria za Mungu na wenye ushuhuda wa Yesu (Ebra.12:1); nia yake ni atawale kizazi cha mwanamke,wale wasiompinga hana hasira nao maana wanakuwa chini yake (Ef.2:1-3). Katika Mwanzo 3 tunaona kuwa Wazazi wetu wa kwanza,adamu na hawa,walimkabidhi shetani dunia waliyopewa na Mungu (2Kor.4:3-4), hivyo basi shetani akatumia hila na uongo (Yoh.8:44) ili awafunge waweke patano/mkataba nao Shetani ni mwerevu mwenye ngazi ya kimalaika,kumbuka hapo mwanzo alikuwa malaika mwenye cheo kizuri huko Mbinguni(Isa.14:9-17),anafahamu tabia za Mungu na mambo yote mazuri ambayo Mungu ameyaweka kwaajili ya mwanadamu ndio maana alitaka kumpindua Mungu akashindwa na badala yake amekusudia kumpotosha mwanadamu ili asipate yale ambayo Mungu ameweka kwaajili ya wanadamu Kumbuka mwanadamu nizaidi ya malaika ndio maana malaika hakupewa kutawala na Mungu isipokuwa mwanadamu(Mwanz.1:26, 1Kor.6:3). Shetani naye anatamani kuabudiwa na kuogopwa na mwanadamu ndio maana anafanya yote haya(Isa.14:13); biblia inasema shetani alipambana na malaika,hivyo mwanadamu peke yako huwezi kupambana naye isipokuwa ukiwa na Nguvu za Mungu na kwa kumkubali Yesu katika maisha yako maana yeye ni Jemedari wa vita(Rum.10:9-10). Shetani anaelewa kwamba Mungu ni wa maagano,na agano linadumu kizazi hata kizazi (Torati 8:18,Zab.102:12) Shetani anafanya mbinu za kuwadanganya wanadamu wapuuze mkataba wao na Mungu halafu anawashawishi kuanzisha mkataba mpya nao(2Tim.2:26) Shetani baada ya kuiteka dunia kutoka kwa Adamu na Eva aliweka mtandao wake kabambe wenye ‘programs’ ili ashinde,ana ‘administration’ yenye vyeo mbalimbali,mfano Ef.6:12,Ef.2:3 Falme na mamlaka,Wakuu wa giza hili,Jeshi la pepo wabaya Shetani alipomjaribu Yesu alimuonyesha milki hizo na alitaka Yesu amsujudie lakini Yesu alimshinda(Luka 4:5-13). Mfano wa program za kishetani ni kutambika mizimu,ibada za sanamu,uzinzi n.k.(1Kor.6:9-10) Kizazi kinapoanza kumdharau Mungu na kuingia mikataba mingine na shetani laana inaanza kutembea kwa kasi mfano;laana ya magonjwa,umaskini na ‘abnormalities’ zisizotibika (Kut.20:5) Laana inarithiwa kama vile ambavyo Baraka inavyoweza kurithiwa,Kutoka 20:1-6, Mungu aliamua laana itembee,agano linapowekwa si rahisi kulivunja, Gal.3:15,Yer.6:16-20 Nimuhimu pia kufahamu baadhi ya aina za laana kama ifuatavyo; Laana zitokazo kwa Mungu zisababishwazo na kwenda kinyume na sheria za Mungu Tor.11:26-29 Zitokanazo na watumishi wa Mungu Mk.11:20-24,Mdo.13:8-12, 2Waf.5:20-27, 1Waf.16:34, Josh.6:26-27 Laana za mahusiano i) Mtu kujilaani mwenyewe Mwn.27:24-25 ii) Kumtendea mtu mwingine uovu Mwn.4:9-11 iii)Mzazi kwa mototo Mwn.31:22-29 (kumbuka laana isiyo na sababu haimpati mtu) iv)Mtu kujiunganisha na nafsi nyingine,hapa kuna njia nyingi kwa mfano; Kuchanjiana damu,Kwa njia ya zinaa Laana zenye mkono wa ibilisi au kupitia wajumbe wake mfano;kwa njia za matambiko,kwenda kwa waganga n.k Kumbuka milango ya madhabahu za shetani; Kupewa majina ya waaguzi na wachawi,Kupewa majina mabaya,ibada za ndoa za kienyeji kuchanjwa na wajumbe wa shetani,kutoa vitu kwa mganga au kutumia vitu vilivyotolewa kwa mganga kuvaliana nguo,kutoa mimba Matokeo ya laana ni; v Magonjwa yasiyotibika v Ndoa zinazovunjikavunjika,kutokuolewa au kuoa ktk koo v Mimba kuharibikaharika v Watu kujinyonga au vifo visivyoeleweka ktk ukoo v Vifo vinavyofanana ktk ukoo v Hali ya kichaa au mataahira ktk ukoo v Ukoo kusambaratika na kuchukiana v Roho za zinaa,ulevi n.k ktk ukoo Haya ni baadhi tu ya mambo ambayo yanaweza kukusaidia umetoka wapi,uko wapi na unakwenda wapi au unatakiwa kufanya nini katika maisha yako ya kimwili na kiroho pia,hivyo basi; Nini chakufanya: Kumbuka swala la kumpendeza Mungu na kwenda Mbinguni ni lako binafsi (2Kor.13:5) Mungu hakukuumba uishi maisha ya taabu bali ya raha na ya kiutawala (Mwanzo 1:26) Baadhi ya laana na mikataba ya giza unaweza kuivunja kwakusema kwa kinywa chako maneno yaliyo kinyume na mikataba hiyo na kuamua kuachana nayo kabisa (Rum.10:9-10, Mat.12:37, Mith.18:21). Kuzivunja laana na mikataba/maagano ya giza na kukubali kumpokea Yesu katika maisha yako,Damu yake iliyomwagika Msalabani inatakasa laana na maagano yote kwa agano jipya ktk damu yake takatifu,na jina la Yesu ndilo pekee linaloweza kuvunja laana na kukuweka huru (Mat.4:12,Fil.2:9-10,Mat.1:21) By. Onesmo-0756391498 Top of Form Bottom of Form

Top of Form

Bottom of Form