JINSI YA KUFUTA LAANA ULIYONAYO NA KUHARIBU MIZIMU YA UKOO WENU.

JINSI YA KUFUTA LAANA ULIYONAYO NA KUHARIBU MIZIMU YA UKOO WENU.

Karibu nikupe siri hizi ambazo zitasababisha uzima kwako na kuishi kwa raha. Neno la kutuongoza ni Yohana 8:36 inayosema

'' Basi Mwana(YESU) akiwaweka huru, mtakuwa huru kweli kweli ''

Watu Wengi Wanateswa Na Laana Mbalimbali Zikiwemo Laana Kutoka Kwa Wazazi, Ndugu, Walimu, Majirani, Wachawi, Waganga Wa Kienyeji, Majini, Mizimu Nk. Laana Hizi Ni Mbaya Sana Na Wakati Mwingine Walio Kulaani Kama Ni Wanadamu Walishakufa Tayari, Huna Jinsi Ya Kuwaomba Msamaha Ili Laana Ifutwe, Wakati Mwingine Laana Zingine Ni Sahihi Kabisa Maana Ulifanya Jambo Baya Ukalaaniwa, Umeshindwa Kulivua Hilo Vazi La Laana Ulilovalishwa,

SIRI YA MIZIMU NA ROHO ZA UKOO PIA MADHARA YAKE.

Kila Ukoo Una Mizimu Yake Na Maroho Yake Ya Ukoo.
Mizimu Hii Na Maroho Haya Ya Ukoo, Ni Watenda Kazi Wa Shetani, Mizimu Huwa Haifi Maana Ni Kundi La Malaika Waasi Waliofukuzwa Mbinguni Pamoja Na lucifer(shetani).
Mizimu Kwenye Ukoo Wenu Zina Kazi Tatu.
1. Kuhakikisha Kila Jambo Baya La Ukoo Wako Lililowapata Babu Zako Tangu Vizazi Vingi Nyuma linakupata na wewe .

Kama Kuna Magonjwa Yaliwasumbua Babu Zako Lazima Yakupate Na Wewe, Kama Ukoo Wenu Huwa Hawafungi Ndoa Takatifu Na Wewe Itakua Hivyo Hivyo, Na Kila Lolote La Kishetani La Kiukoo Lazima Likupate Na Wewe.

2. Mizimu Ni Walinzi, Sio Walinzi Wa Uzima Wako Bali Wanakulinda Na Kuhakikisha Hufanyi Lolote Ambalo shetani Hajakupangia.

Na Kumbuka Kwamba shetani Hajawahi Kukupangia Jambo Jema Hata Siku Moja. Kuna watu leo akishika tu Biblia na kuanza kusoma usingizi unampata hiyo ni mizimu inakuzuia, kuna watu leo ukiwaambia twende kanisani anakuambia mwili umekua mzito ghafla hivyo labda siku nyingine mizimu hapo inamzuia.

3. Ni Watoaji Taarifa kuzimu Na Wapeleka Taarifa Zako Kuzimu. Ukipanga jambo lolote jema na la kimungu lazima utaona ugumu maana kabla hujaanza kutenda taarifa zako zimeshafika kuzimu na zinatendewa kazi kinyume na mipango yako. Dawa Ya Kuwaondoa Mizimu Na Roho Za Ukoo Ni Kumpa YESU KRISTO Maisha Yako, Yohana 8:36 Inasema ''Mwana wa MUNGU akikuweka huru , utakuwa huru kweli kweli,'' Na uzuri wa MUNGU ni kwamba ametoa jina la YESU KRISTO ili kila aombaye awekwe huru kama inavyosema Yohana 14:13 '' Nanyi mkiomba lo lote kwa jina langu, hilo nitalifanya, ili BABA atukuzwe ndani ya Mwana. ''

Ndugu jitenge leo na roho hizi za ukoo na mizimu ya ukoo kwa maombi ya vita kupitia jina la YESU KRISTO. Usikubali kuongozwa na mizimu na mapepo ya ukoo maana ukiongozwa na mizimu lazima utaishia tu kuzimu. Mizimu ni Giza kimbilia leo kwenye nuru ambayo ni BWANA YESU.

……………………………………………………………………………

MILANGO SABA (07) AMBAYO SHETANI HUTUMIA KUINGIZA ROHO ZAKE KATIKA MAISHA YETU.

MILANGO SABA (07) AMBAYO SHETANI HUTUMIA KUINGIZA ROHO ZAKE KATIKA MAISHA YETU.

Ili shetani ayatese maisha ya Wanadamu anaingiza kwanza Roho zake katika maisha yetu. Roho za kishetani zikishaingia ndani yetu huyawezesha mambo ya kishetani kufanyika/kutokea katika maisha yetu.

Zipo njia nyingi ambazo Shetani hutumia kuingizia Roho zake katika maisha yetu. Zifuatazo ni njia, milango saba ambayo Shetani hutumia kuingiza Roho zake katika maisha yetu;

1. MAAGANO.

Haya ni makubaliano yaliyofanyika baina ya mtu na nguvu za giza, vizazi na nguvu za giza. Hii ni mikataba iliyofanyika na inayofanyika ambayo humpa Shetani Uhalali wa kufanya kila analotaka kufanya. Unaweza kuwa katika Agano hata bila kujua. Maarifa inahitajika kutoka chini ya maagano ya ki-shetani. HOSEA 4:6

Kuwa ndani ya Agano maana yake, “Umenunuliwa kihalali”. Pia, unaweza kuwa umeokoka ila mwili wako Shetani akawa anautumia kihalali. ITIMOTHEO 1:20

2.URITHI

Urithi unampa mtu kumiliki kihalali kitu Fulani baada ya Yule aliyekuwa anakimiliki kufariki. Kuna mambo yanatesa maisha ya watu kutokana na kuyarithi kutoka kwa watangulizi wetu yaani Wazazi, Mababu n.k. WAEBRANIA 9:16  MWANZO 25:11

Shetani ametumia nafasi hiyo kwa kupandikiza Roho zake ndani yetu baada ya wale waliokuwa na ROHO hizo kufariki au kuwa hai.

Mfano: Unamkuta mtu ni mlevi, Muhuni au mwongo sana baadaye katika uzao wake wanakuwepo watakaorithi tabia yake. Anaweza kurithi mtoto wa kwanza au mtoto mwingine.

3.NDOTO

Hii ni njia nyingine shetani anayoitumia kuingiza Roho zake kwa watu. Wengine wamejikuta wanaota ndoto mbaya kama vile kufukuzwa na nyoka, kula nyama n.k wakidhani ni jambo la kawaida lakini si hivyo maana ni njia inayoingiza nguvu za kishetani na kuyatesa maisha yetu.

Kuna aina tatu za ndoto;

i) Ndoto za Ki-Mungu 1WAFALME 3:5-12

ii)Ndoto za Ki-shetani AYUBU 4:12-21

iii)Ndoto za ki-binadamu/kawaida.

Ndoto mbaya za kishetani, Shetani huzitumia kuingizia uharibifu.

4. NDUGU

Mungu anaweza kukuadhibu kwa kosa lililofanywa na mwingine. Shetani anaweza kuingiza vifungo vyake kwako hata kama wewe haukuhusika moja kwa moja. KUTOKA 20:5

5.ENEO

Unaweza kuwa kwenye eneo linalomilikiwa na Shetani kihalali katika Ulimwengu wa giza.

Mfano: Jiulize swali, kwanini kuna sehemu zingine ukienda nguvu ya kuomba au kusoma Biblia haipo kabisa?

Shetani anapoenda Sehemu analenga Vitu Vikuu vitatu.

i) Ardhi (Lengo kuweka Ufalme wake).

ii)Miguu (Lengo kukamata nafsi ZABURI 56:6)

iii)Masikio (Lengo kuzuia usikivu)

AMOS 3:11-12

6.VITU UNAVYOTUMIA

Kuwa na mazoea ya kuombea vitu unavyotumia kwani Shetani anaweza kupitisha mapepo kwenye vitu kama nguo. Upako wa Uponyaji wa Yesu ulikuwepo mpaka kwenye nguo aliyokuwa amevaa (MATHAYO 9:20-21), Vivyo hivyo na Roho za kishetani zinaweza kuingilia kwenye nguo pia.

7.FIKRA

Shetani anaweza kuingia kwenye fikra zako ili upinge kusudi la Mungu (MATHAYO 16:23). Unaweza kuwa na Yesu lakini Shetani bado akaingia kwenye fikra zako.

MAMBO YA WALAWI 19:28

…………………………….……………………………….……………….

KUFANIKIWA KIROHO NA KIMWILI

KUFANIKIWA KIROHO NA KIMWILI

Karibu tujifunze neno la MUNGU muda na wakati kama huu. Leo tunaenda kujifunza somo juu ya “Mafanikio ya kiroho na kimwili”, kupitia mbinu mbalimbali ambazo Mimi napenda kuziita ” Sayansi ya Mafanikio”.

Maana Ya Mafanikio

Kama wasafiri hapa duniani, binadamu tumekuwa tukipigana na kujitahidi kwamba tupate MAFANIKIO ili siku pale parapanda litakapolia basi mtu aweze kuondoka na kuacha alama, kwamba alikuwa amefanikiwa au hakufanikiwa.

Mafanikio halisi yanaanzia kipindi ambacho MTU anampokea YESU Kristo kuwa Bwana na mwokozi wa maisha yake.

MBINU ZA KUFANIKIWA KIROHO NA KIMWILI

1. Imarisha fahamu ya Imani

Pasipo Imani haiwezekani kumpendeza Mungu, Imani ni kutokuwa na mashaka akilini mwako. Maisha yakijawa na Imani kwa kila jambo unalofanya huwezi kukwama.

2Petro 1:5-8

2. Jihesabu kama Mungu anavyokuhesabu.

Hapo sasa ni kuweka nia ya Kristo katika MWENDO. Wafilipi 4:13 ” Nayaweza mambo yote katika yeye anitiaye nguvu”.

Umekubali kutembea kandokando ya mto, basi utakutana na bahari unayohitaji. Nia yako lazima iungwe mkono kwa vitendo. Kutokuruhusu nia itafsiriwe kwa vitendo ndiko kunakomtofautisha mtu anayefanikiwa na ambaye hafanikiwi. Wengi wakiruhusu matendo  yao yafunue nia zao za kufànikiwa watakuwa na maendeleo makubwa.

3. Batilisha fikra za kitoto na uamue kukua.

1wakorintho 13:11 “Nilipokuwa mtoto mchanga, nilisema kama mtoto mchanga, nalifahamu kama mtoto mchanga, nalifikiri kama mtoto mchanga, tokea hapa nilipokuwa mtu mzima; nimeyabatilisha mambo ya kitoto”.

1Wakorintho 14:20 ” Ndugu zangu, msiwe watoto katika akili zenu, lakini katika uovu mgeuzwe watoto wachanga, Bali katika akili zenu mkawe watu wazima”

Utoto unaozungumziwa hapa ni utoto wa akili, soma Waefeso 4:14.

4. Usikatae fursa za kuwa mdogo.

Mathayo 20:26-27 “Lakini haitakuwa hivyo kwenu, bali mtu yeyote anayetaka kuwa mkubwa kwenu na awe mtumishi wenu; Na mtu yeyote anayetaka kuwa wa Kwanza kwenu na awe mtumwa wenu”.

Anza kuwatumikia wengine kwanza, anza kuwapatia MEMA wanayopenda kwanza na utakuwa umewatawala bila wao kujijua. Angalia wafalme walivyojishusha na walivyofanikiwa, mfano Yesu Kristo. 

5. Unalotaka utendewe watendee kwanza wengine.

Mathayo 7:12 ” Basi yoyote mtakayo mtendewe na watu, nanyi watendeeni vivyo hivyo; maana hiyo ndiyo torati na manabii”.

Mara nyingi watu WEMA wanabeba mizigo mingi kupita kawaida, kubali kufunua hekima zako kupitia uvumilivu ili uwavute waamini unachoelewa. Au yafaa nini mwanadamu unapenda kuheshimiwa halafu wewe huheshimu wenzako?

6.Fanya jambo zuri unalolihofu.

Hofu na mashaka ni silaha kubwa sana ambayo shetani huitumia kuwafanya watu washindwe kupata majibu ya maombi ya miujiza yao kutoka kwa MUNGU. Shetani anafahamu kwamba imeandikwa;

” Mwenye haki wangu ataishi kwa imani, naye akisitasita Roho yangu haina furaha naye” (Waebrania 10:38).

Dawa kubwa ya hofu ni Imani (Marko 11:22). Unapohofia baya usilolihitaji ni ushindani kati ya mwili na imani, iite roho; inajua hilo ni baya, mwili unadai ni zuri. Thibitisha kuwa ni baya kwa kuliacha. Aina za hofu ni pamoja na kukosolewa, kuchekwa, umaskini, kufilisika, kuachishwa kazi,kustaafu, kufiwa n.k

7. Imarisha unyoofu wako/uaminifu.

Ukiwa mnyoofu, mwaminifu utasaidiwa na kila MTU,utawekwa juu ya Mali nyingi na watu wengi (utawaongoza VIZURI). Mwanzo 41:37-44

Katika maisha unaweza kuwadanganya wengi sana, lakini huwezi kuwadanganya hawa wawili yaani nafsi yako na Mungu wako. Ukiwa mnyoofu kwa hawa wawili utapata mafanikio makubwa sana.

8. Ona unachotaka kupitia hicho kidogo ulichonacho sasa.

Kama unataka upate amani, furaha, upendo,afya n.k Ione amani, furaha, upendo au afya hiyo NDANI ya moyo wako kwanza. Hivyo ndivyo kupanda mbegu ya mafanikio kulivyo. Kama moyoni mwa mtu hakuna anachotaka, atakipataje?

Tujifunze kwa Mama huyu katika 2Wafalme 4:1-6
Inawezekana ulikuwa hujui siri ya hicho kidogo ulichonacho, amini kupitia hicho na mafanikio yako yatatimia.

Inawezekana unaomba Mungu akufanikishe kiuchumi lakini huna chochote cha kuanzia, hata Musa wana Waisraeli walipomlalamikia alimwomba Mungu, MUNGU akamuuliza una nini mkononi mwako? (Hicho ndicho kianzio).

VITI VYA ENZI AKAAPO SHETANI.

VITI VYA ENZI AKAAPO SHETANI.

Kuna mahali Shetani anafanya makao/anatengeneza enzi yake.

                                   UFUNUO WA YOHANA 2:12-17

DALILI ZA ENEO ILIKO ENZI YA SHETANI.

1. Kutesa na kuua watumishi wa Mungu.

            Mfano.

Stephano

                                MATENDO YA MITUME 7:54-60

Manabii.

                                MATHAYO 23:31-36

Paulo

                                MATENDO YA MITUME 14:19

2. Tabia ya kuinua na kuendeleza vita/migogoro isiyoisha.

                              WARAKA WA YAKOBO 4:1

VYANZO VYA MIGOGORO.

A. Madaraka

                              2  SAMWELI 3:1

B. Shetani analenga Ufalme wa Mungu usisimame.

                              1  MAMBO YA NYAKATI 2:8

C. Manung’uniko.

                            MAENDO YA MITUME 6:1

                            WAGALATIA 5:15