SOMO LA KUHUBIRI

SOMO LA KUHUBIRI

Kuhubiri ni kutoa Ujumbe wa Bwana Yesu kwa watu/washirika kwa Wakati Mungu alioukusudia. MATHAYO 28:19

Kuna vitu viwili muhimu sana vya kuzingatia unapoandaa Mahubiri:-

       i.          Ujumbe (Content)

     ii.          Namna ya kuwasilisha (Presentation)

MAMBO MUHIMU KABLA YA MUDA/SIKU YA KUHUBIRI.

1.     Kuvaa nguo nzuri na nadhifu

2.     Jiandae kimaombi, kemea roho za kishetani za kuwafanya watu wasilielewe Ujumbe na roho za mazoea. Omba Mungu akupe ujumbe na akupe Ujasiri.

3.     Teua kichwa cha Ujumbe utakalofundisha, kichwa cha Ujumbe kisiwe kirefu sana utawachosha wasikilizaji na kiwe cha kueleweka.

4.     Andaa maana ya Maneno magumu kutoka kwenye kichwa cha Ujumbe wako.

5.     Tafuta vifungu vya Biblia vinavyoelekeana kwa uhalisia na Ujumbe uliokusudia kufundisha/kuhubiri. Kama ni mahubiri na si mafundisho inashauriwa kuwa na vifungu vichache usiwachoshe wasikilizaji.

6.     Andaa mifano ya Kibiblia pale inapobidi na si kujitolea mfano wewe au maisha yako. Ni afadhali pale inapobidi kutolea mfano mtu mwingine na si wewe. Kujitolea mfano itaonekana unajiinua/kujisifia mbele za watu.

MAMBO MUHIMU WAKATI WA KUHUBIRI.

1.     Matumizi sahihi Muda, Tambua Mahubiri yako yanatakiwa kutumia muda gani? Kutumia muda mrefu utawachosha watu. Na ukitumia muda mfupi utawashangaza watu pia maana ibada itakuwa fupi.

2.     Ondoa hofu, Mpe nafasi Roho mtakatifu akutumie. Usiwaogope unaowahubiri bali uwastahi/Uwaheshimu.

3.     Tazama watu unaowahubiri usoni. Watazame usoni na si chini ili kuwafanya wawe makini kukusikiliza na wasipige kelele (Maintain eye contact), wala kusinzia. Wakazie macho wasikilizaji.

4.     Jiunganishe na unaowahudumia.  Kuwa shemu yao, usionekane wewe uko juu zidi yao maana badala ya kujifunza Neno watatumia muda huo kukutafakari wewe ni mtu wa namna gani?

5.     Mbinu za uwasilishaji wa Ujumbe, Tumia mbinu mbali mbali kuhakikisha watu hawalali wala kuchoka na watamani uendelee kuhubiri. Mfano: Jitahidi kuwafanya Wacheke, Wafurahi, Wavutiwe na Mahubiri n.k . Hakikisha unalichangamsha Kanisa au kusanyiko unalolihudumia.

6.     Kaa kwenye uwepo wa Mungu wakati wa Mahubiri ili uyanene aliyoyakusudia Mungu kwa watu wake.

7.     Msukumo wa ndani yako ukiisha, usiendelee na Mahubiri ishia hapo.

8.     Lugha ya staha, usitumie maneno yasiyo na staha unapowahubiri hasa wakati wa kutoa mifano. Zingatia kuwa unaowahudumia wana utamaduni na mila tofauti, ambapo baadhi ya maneno ukiyatamka kwa baadhi ya watu ni MATUSI.

9.     Usichanganye lugha, tumia lugha kwa usahihi bila kuchanganyachanganya ili usikwamishe uelewa kwa wasikilizaji.

10.  Usitumie sauti ya kuiga.

MAMBO MUHIMU BAADA YA KUHUBIRI.

1.     Mshukuru Mungu kwa kukutumia.

2.     Mpe Mungu utukufu kwa kukutumia na si kujisifia wewe mwenyewe, watu wakikusifu wambie BWANA AMEJITUKUZA.         ISAYA 42:8

3.     Endelea kuiombea Huduma iliyo ndani yako ili Mungu aendelee kukutumia zaidi na zaidi.

4.     Epuka kiburi kisikuharibie Huduma.

------------------------------------------------------------MWISHO-------------------------------------------------------

‘BARIKIWA SANA’

Na;

Pastor. Amos E. Onesmo

0756391498